ಆರಂತೋಡಿನಲ್ಲಿ ನಾಯಿಗಳಿಗೆ ಉಚಿತ ರೇಬಿಸ್ ರೋಗ ನಿರೋದಕ ಲಸಿಕಾ ಶಿಬಿರ

ಗ್ರಾಮ ಪಂಚಾಯತ್ ಮನವಿಗೆ ಶೀಘ್ರದಲ್ಲಿ ಸ್ಪಂದಿಸಿದ ಸುಳ್ಯ ಪಶು ವೈದ್ಯಕೀಯ ಆಸ್ಪತ್ರೆಯ ಡಾಕ್ಟರ್ ನಿತಿನ್ ಪ್ರಭು

  ಆರಂತೋಡಿನ ಮನೆ ಯೊಂದರ ಕೆಲಸ ಕ್ಕೆ ಬಂದು ನಾಯಿ ಕಡಿತದಿಂದ  ನಾಲ್ಕೈದು ದಿನಗಳ ಹಿಂದೆ ಸಂಪಾಜೆಯ ಗೂನಡ್ಕ ದಲ್ಲಿ ಮಹಿಳೆಯೊಬ್ಬರು ಮೃತ ರಾದ ಹಿನ್ನಲೆ ಯಲ್ಲಿ ಆರಂತೋಡು ಗ್ರಾಮ ಪಂಚಾಯತ್ ಆಡಳಿತ ತಕ್ಷಣ ಕಾರ್ಯಪ್ರವೃತ್ತವಾಗಿ ಸುಳ್ಯ ಪಶು ವೈದ್ಯಕೀಯ ಆಸ್ಪತ್ರೆಯ ವೈದ್ಯಾಧಿಕಾರಿಗಳಾದ ಡಾಕ್ಟರ್ ನಿತಿನ್ ಪ್ರಭುರವರನ್ನು ಸಂಪರ್ಕಿಸಿ, ನಾಯಿಗಳಿಗೆ ರೇಬಿಸ್ ರೋಗ ನಿರೋದಕ ಲಸಿಕಾ ಶಿಬಿರ ಆಯೋಜನೆ ಮಾಡುವಂತೆ ಕೇಳಿಕೊಂಡ ಮೇರೆಗೆ ಆರಂತೋಡು ಗ್ರಾಮ ಪಂಚಾಯತ್ ವ್ಯಾಪ್ತಿಯ ಆರಂತೋಡು ಮತ್ತು ತೊಡಕಾನ ಗ್ರಾಮ ಗಳ 8 ಕೇಂದ್ರ ಗಳಲ್ಲಿ ದಿನಾಂಕ ಮಾ.25 ರಂದು ಉಚಿತ ರೇಬಿಸ್ ರೋಗ ನಿರೋದಕ ಲಿಸಿಕಾ ಕಾರ್ಯಕ್ರಮ ನಡೆಯಿತು.

ಪಂಚಾಯತ್ ವ್ಯಾಪ್ತಿಯ ನೂರಾರು ಮನೆಯವರು ಇದರ ಪ್ರಯೋಜನ ಪಡೆದುಕೊಂಡರು. ಪಶು ವೈದ್ಯಕೀಯ ಆಸ್ಪತ್ರೆಯಲ್ಲಿ ಸಿಬ್ಬಂದಿ ಕೊರತೆಯ ಮಧ್ಯೆಯೂ ಗ್ರಾಮ ಪಂಚಾಯತ್ ನ ಮನವಿಗೆ ತಕ್ಷಣ ಸ್ಪಂಧಿಸಿ ಸಹಕರಿಸಿದ ಸುಳ್ಯ ಪಶು ವೈದ್ಯಕೀಯ ಆಸ್ಪತ್ರೆಯ ವೈದ್ಯಾಧಿಕಾರಿಗಳು  ಹಾಗೂ ಸಿಬ್ಬಂದಿ ವರ್ಗದವರಿಗೆ  ಆರಂತೋಡು ಗ್ರಾಮ ಪಂಚಾಯತ್ ಆಡಳಿತ ವರ್ಗ ಈ ಮೂಲಕ ಕೃತಜ್ಞತೆ ಸಲ್ಲಿಸುತ್ತದೆ.