ಸುಳ್ಯ ಮುಖ್ಯ ರಸ್ತೆ ಕಟ್ಟೆಕಾರ್ ಜಂಕ್ಷನ್ ಬಳಿ ಮ್ಯಾನ್ ಹೋಲ್ ನಿಂದ ಹೊರಬಂದ ಕೊಳಚೆ ನೀರು ರಸ್ತೆಯಲ್ಲಿ ಹರಿಯುತ್ತಿದೆ.

ಒಂದು ವಾರದ ಹಿಂದೆ ಇದೇ ರೀತಿ ಕೊಳಚೆ ನೀರು ಹರಿಯಲು ಪ್ರಾರಂಭವಾಗಿದ್ದು ಅದನ್ನು ದುರಸ್ಥಿ ಪಡಿಸಲಾಗಿತ್ತು ಆದರೆ ಇವತ್ತು ಪುನ: ಕೊಳಚೆ ನೀರು ಮ್ಯಾನ್ ಹೋಲ್ ನಿಂದ ಹೊರಹೊಮ್ಮಿ ರಸ್ತೆಯಲ್ಲಿ ಹರಿಯುತ್ತಿದೆ.ಸಂಬಂಧಪಟ್ಟವರು ಗಮನಹರಿಸಬೇಕಾಗಿದೆ.

ಸೋನಾ ಆಡ್ಕಾರ್ ಗೆ ರೋಟರಿ ಕ್ಲಬ್ ವತಿಯಿಂದ ಸನ್ಮಾನ ಕಾರ್ಯಕ್ರಮವು ಎಪ್ರಿಲ್ 17ರಂದು ನಡೆಯಿತು.
ಸೋನಾ ಅಡ್ಕಾರ್ ನಾಲ್ಕನೇ ವರ್ಷದಿಂದ ನೃತ್ಯ, ಹುಲಿವೇಷ ಕುಣಿತ, ಡ್ರಾಯಿಂಗ್, ಯೋಗಭ್ಯಾಸ ಮತ್ತು ಪ್ರದರ್ಶನ ಹೀಗೆ ಇವರ ಹಲವಾರು ಪ್ರತಿಭೆಗಳನ್ನು ಗುರುತಿಸಿ ರೋಟರಿ ರಾಜ್ಯಪಾಲರಿಂದ ಮತ್ತು ಸುಳ್ಯ ರೋಟರಿ ಕ್ಲಬ್ ಅಧ್ಯಕ್ಷರು, ಪದಾಧಿಕಾರಿಗಳು ಮತ್ತು ಸದಸ್ಯರ ಉಪಸ್ಥಿತಿಯಲ್ಲಿ ಸನ್ಮಾನ ಪತ್ರ ನೀಡಿ ಗೌರವಿಸಲಾಯಿತು.

ಸುಳ್ಯ ಸೈಂಟ್ ಜೋಸೆಫ್ ಆಂಗ್ಲ ಮಾಧ್ಯಮ ಶಾಲೆಯ 6ನೇ ತರಗತಿ ವಿದ್ಯಾರ್ಥಿನಿ. ಜಾಲ್ಸೂರು ಗ್ರಾಮದ ಅಡ್ಕಾರ್ ಮನೆತನದ ಶರತ್ ಅಡ್ಕಾರ್ ಮತ್ತು ಶೋಭಾ ಶರತ್ ರವರ ಪುತ್ರಿ. ಈಕೆ ನೃತ್ಯಭ್ಯಾಸವನ್ನು ಸಂತೋಷ್ ಮತ್ತು ತರುಣ್ ರಾಜ್ ರವರಿಂದ, ಹುಲಿ ಕುಣಿತವನ್ನು ತರುಣ್ ರಾಜ್ ಮಂಗಳೂರು ರವರಿಂದ, ಯೋಗಭ್ಯಾಸವನ್ನು ಸಂತೋಷ್ ಮುಂಡೋಕಜೆಯವರಿಂದ ಪಡೆಯುತ್ತಿದ್ದಾಳೆ.

ಅಂತರಾಷ್ಟ್ರ ಮಟ್ಟದ ಮ್ಯಾರಥಾನ್ ನಲ್ಲಿ ಜಸ್ಮಿತಾ ಕೊಡೆಂಕಿರಿಗೆ 5ನೇ ಸ್ಥಾನ ಪಡೆದುಕೊಂಡಿದ್ದಾರೆ.
ಎ. 28 ರಂದು ಬೆಂಗಳೂರಿನಲ್ಲಿ ನಡೆದ ಟಿಸಿಎಸ್ ವಿಶ್ವ 10 ಕಿ.ಮೀ ರನ್ ನಲ್ಲಿ ದೇಶ ವಿದೇಶಗಳಿಂದ ಸುಮಾರು 28,000 ಕ್ಕೂ ಅಧಿಕ ಮಂದಿ ಭಾಗವಹಿಸಿದ್ದರು. ಇದರಲ್ಲಿ ಜಸ್ಮಿತಾ ಕೊಡೆಂಕಿರಿಯವರು 5 ನೆ ಸ್ಥಾನ ಪಡೆದಿದ್ದಾರೆ. ಭಾರತದಲ್ಲಿ ನಡೆಯುವ ಪ್ರಮುಖ ಮ್ಯಾರಥಾನ್ ನಲ್ಲಿ ಇದು ಒಂದಾಗಿದೆ. ಜಸ್ಮಿತಾ ಕೊಡೆಂಕಿರಿಯವರು ಬಳ್ಪ ಗ್ರಾಮದ ವಾಚಣ್ಣ ಗೌಡ ಮತ್ತು ದಮಯಂತಿ ದಂಪತಿಗಳ ಪತ್ರಿ.

ಅಮರಮುಡ್ನೂರಿನ ಕುಕ್ಕುಜಡ್ಕದ ಸಹಕಾರಿ ಸಂಘದ ವಾಣಿಜ್ಯ ಕಾಂಪ್ಲೆಕ್ಸ್ ನಲ್ಲಿ ವ್ಯವಹರಿಸುತ್ತಿದ್ದ ಮಂಜುನಾಥ್ ಕೆ ರವರ ಮಾಲಕತ್ವದ ಶ್ರೀ ಮೂಕಾಂಬಿಕಾ ಟ್ರೇಡರ್ಸ್ ಸ್ಥಳಾಂತರಗೊಂಡು ಕುಕ್ಕುಜಡ್ಕದ ಮುಖ್ಯ ರಸ್ತೆಯಲ್ಲಿರುವ ಪಂಚಾಯತ್ ಸದಸ್ಯ ಜಯಪ್ರಕಾಶ್ ದೊಡ್ಡಿಹಿತ್ಲು ರವರ ಮಾಲಕತ್ವದ ನೂತನ ಕಾಂಪ್ಲೆಕ್ಸ್ ನಲ್ಲಿ ಎ.29 ರಂದು ಶುಭಾರಂಭ ಗೊಂಡಿತು.

ಮಾಲಕರ ಪುತ್ರಿ ಕು.ಮೋನಿಶಾ ಕೆ ರಿಬ್ಬನ್ ಕತ್ತರಿಸಿ ಶುಭಾರಂಭ ಗೊಳಿಸಿದರು.
ಈ ಸಂದರ್ಭದಲ್ಲಿ
ಭಾಸ್ಕರ ಜಾಲ್ಸೂರು , ಗೋಪಾಲಕೃಷ್ಣ ,
ಶ್ರೀಮತಿ ಸಾವಿತ್ರಿ, ಶ್ರೀಮತಿ ಅಶ್ವಿನಿ,ಛಾಯಾ ಹಾಗೂ ಸ್ಥಳೀಯರು ಉಪಸ್ಥಿತರಿದ್ದರು.
ಸಹ ಸಂಸ್ಥೆ ಮೂಕಾಂಬಿಕಾ ಫಾಸ್ಟ್ ಫುಡ್ ಸೆಂಟರ್ ನ ಮಾಲಕಿ ಶ್ರೀಮತಿ ಅನಿತ ಎಂ. ರವರು ಸ್ವಾಗತಿಸಿದರು.
ನೂತನ ಸಂಸ್ಥೆಯಲ್ಲಿ ಫ್ಯಾನ್ಸಿ ಐಟಂಗಳು ಹಾಗೂ ಫೂಟ್ ವೇರ್ಸ್, ಗಿಫ್ಟ್ ಐಟಂಗಳು ಲಭ್ಯವಿರುವುದು.