ಸ.ಹಿ.ಪ್ರಾ.ಶಾಲೆ ಅಮೈಮಡಿಯಾರು ಇಲ್ಲಿ 26 ವರ್ಷ 8 ತಿಂಗಳ ಕಾಲ ನಿಸ್ವಾರ್ಥ ಸೇವೆಸಲ್ಲಿಸಿ, ಮಂಗಳೂರಿನ ಪಡು ಪಣಂಬೂರಿನ ಶಾಲೆಗೆ ವರ್ಗಾವಣೆಗೊಂಡ ಶಿಕ್ಷಕಿಗೆ,ಹಾಗೂ ಕೆ.ಪಿ.ಎಸ್ ಗಾಂಧಿನಗರ ಸುಳ್ಯಕ್ಕೆ ವರ್ಗಾವಣೆ ಮುಖ್ಯಗುರುಗಳಾದ ಪದ್ಮನಾಭ ಅತ್ಯಾಡಿಯವರಿಗೆ ಆಗಸ್ಟ್ 15 ರಂದು ಬೀಳ್ಕೊಡುಗೆ ಸಮಾರಂಭ ಶಾಲಾಭಿವೃದ್ಧಿ ಸಮಿತಿಯು ಹಮ್ಮಿಕೊಂಡಿತ್ತು.
ಉತ್ತಮ ಶಿಕ್ಷಕಿಯಾದ ಜೂಲಿಯೆಟ್ ಡಿ’ಸೋಜರನ್ನು ಹಿರಿಯ ವಿದ್ಯಾರ್ಥಿಗಳು ಚಿನ್ನದ ಉಂಗುರ ತೊಡಿಸಿ, ಹಾರ,ಪೇಟ,ಶಾಲು ಹೊದಿಸಿ, ಸ್ಮರಣಿಕೆ ನೀಡಿ ಸನ್ಮಾನಿಸುವ ಮೂಲಕ ಪ್ರೀತಿಯಿಂದ ಬೀಳ್ಕೊಟ್ಟರು.
ಈ ಸಂದರ್ಭದಲ್ಲಿ ಹಿರಿಯ ವಿದ್ಯಾರ್ಥಿಗಳಾದ ಪ್ರಶಾಂತ್ ಸೂಂತೋಡು, ನವೀನ್ ಶೆಟ್ಟಿ ಉಬರಡ್ಕ, ರಾಜೇಶ್ ಸುತ್ತುಕೋಟೆ, ಗಣೇಶ್ ಪಾಲಡ್ಕ,ಶಿಕ್ಷಕ ಕೇಶವ ಸೂಂತೋಡು,ಬಾಲಚಂದ್ರ ಕಟ್ಟಕೋಡಿ ಜಯರಾಮ ಪಾನತ್ತಿಲ, ರೇಷ್ಮಾ ಬಳ್ಳಡ್ಕ, ಹಿರಿಯ ವಿದ್ಯಾರ್ಥಿ ಎಸ್.ಡಿ.ಎಂ.ಸಿ ಅಧ್ಯಕ್ಷ ಲೋಕೇಶ್ ಕೋಟ್ಯಾನ್ ಉಪಸ್ಥಿತರಿದ್ದರು.
250ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಭಾಗಿಯಾಗಿ ಹಾರ,ಉಡುಗೊರೆಗಳನ್ನು ನೀಡಿ ಅದ್ಧೂರಿಯಾಗಿ ಬೀಳ್ಕೋಟ್ಟರು. ಶಿಕ್ಷಕಿ ಜೂಲಿಯೆಟ್ ಡಿ’ಸೋಜ ತಂದೆಯ ಸ್ಮರಣಾರ್ಥ ರೂ. 10000 ಮತ್ತು ನಿವೃತ್ತ ಶಿಕ್ಷಕಿ ವಿಕ್ಟೋರಿಯಾ ಜ್ಯೋತಿ ಅಮೀನ್ ರೂ.10000 ದತ್ತಿನಿಧಿ ದೇಣಿಗೆಯ ಚೆಕ್ ನ್ನು ಶಾಲೆಗೆ ವಿತರಿಸಿದರು.
