ಬಡ್ಡಡ್ಕಅಮರ ಕ್ರೀಡಾ ಮತ್ತು ಕಲಾ ಸಂಘದ ವತಿಯಿಂದ ರಾಮಕೃಷ್ಣ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆಯ ನಿವೃತ್ತ ಶಿಕ್ಷಕ ಮಾರುತಿ ಬಸ್ಯಾ ನಾಯ್ಕರ್ ರವರನ್ನು ಜೂ.1 ರಂದು ಅಯ್ಯಪ್ಪ ಭಜನಾ ಮಂದಿರದ ವಠಾರದಲ್ಲಿ ಸನ್ಮಾನಿಸಲಾಯಿತು.
ಸಂಘದ ಅಧ್ಯಕ್ಷ ಕಮಲಾಕ್ಷ ಬಡ್ಡಡ್ಕ ಅಧ್ಯಕ್ಷತೆ ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ಪ್ರಸನ್ನ ಕೆ.ಸಿ.ಬಡ್ಡಡ್ಕ, ಲ್ಯಾಂಪ್ಸ್ ಸೊಸೈಟಿ ಶಾಖಾ ವ್ಯವಸ್ಥಾಪಕ ಶಶಿಧರ ತಿಮ್ಮನಮೂಲೆ, ಸುದ್ದಿ ವರದಿಗಾರ ಶಿವಪ್ರಸಾದ್ ಆಲೆಟ್ಟಿ, ನಿವೃತ್ತ ಬಿ.ಎಸ್.ಎನ್.ಎಲ್. ಉದ್ಯೋಗಿ ಗಿರಿಯಪ್ಪ ನಾಯ್ಕ್, ರಾಮಚಂದ್ರ ಆಲೆಟ್ಟಿ, ಪುರುಷೋತ್ತಮ ದೋಣಿಮೂಲೆ, ಗೌರವಾಧ್ಯಕ್ಷರಾದ ದೇವಿಪ್ರಸಾದ್ ಬಡ್ಡಡ್ಕ, ವೆಂಕಟ್ರಮಣ ದೋಣಿಮೂಲೆ, ಚಂದ್ರಶೇಖರ ಬಡ್ಡಡ್ಕ, ವೈಕುಂಠ ನಾಯಕ್ ದೋಣಿಮೂಲೆ,ದಿನೇಶ್ ಬಡ್ಡಡ್ಕ, ಗಂಗಾಧರ ಬಡ್ಡಡ್ಕ, ಭುವನೇಶ್ವರ ಬಡ್ಡಡ್ಕ, ಖಜಾಂಜಿ ವಿನೋದ್ ರಾಜ್ ಬಡ್ಡಡ್ಕ ಉಪಸ್ಥಿತರಿದ್ದರು.
ಈ ಸಂದರ್ಭದಲ್ಲಿ ನಿವೃತ್ತ ರಾದ ಮಾರುತಿ ಬಸ್ಯಾ ನಾಯ್ಕರ್ ಮತ್ತು ಶ್ರೀಮತಿ ಮಂಜುಳಾದಂಪತಿಯನ್ನು ಶಾಲು ಹಾರ ಹಾಕಿ ಸ್ಮರಣಿಕೆ ನೀಡಿ ಗೌರವಿಸಲಾಯಿತು.
ಗೌರವಾಧ್ಯಕ್ಷ ದೇವಿಪ್ರಸಾದ್ ಬಡ್ಡಡ್ಕ ಸ್ವಾಗತಿಸಿದರು. ಸಂಘದ ಕಾರ್ಯದರ್ಶಿ ಸನತ್ ಬಡ್ಡಡ್ಕ ವಂದಿಸಿದರು. ಸಂಘದ ಸದಸ್ಯರು ನಿವೃತ್ತಿ ಹೊಂದಿರುವ ಶಿಕ್ಷಕರಿಗೆ ಶುಭ ಹಾರೈಸಿದರು. ಸಂಘದ ಪದಾಧಿಕಾರಿಗಳು ಮತ್ತು ಸದಸ್ಯರು ಸಹಕರಿಸಿದರು.
