ಕೊಡಿಯಾಲ – ಕಾಣಿಯೂರು ಸಂಪರ್ಕ ಕಡಿತದ ಆತಂಕ
ಕೊಡಿಯಾಲ ಗ್ರಾಮದ ಮೂವಪ್ಪೆ ಶಾಲಾ ಬಳಿ ಡಾಮರು ರಸ್ತೆ ಬದಿ ಕುಸಿದಿದ್ದು ವಾಹನ ಸಂಚಾರಕ್ಕೆ ತೊಂದರೆಯಾಗಿದೆ.
ಇತ್ತೀಚೆಗೆ ಸುರಿಯುತ್ತಿರುವ ಭಾರೀ ಮಳೆಗೆ ರಸ್ತೆಯ ಒಂದು ಬದಿ ಡಾಮರು ರಸ್ತೆ ಸಮೇತ ಕುಸಿದು ಬಿದ್ದ ಪರಿಣಾಮ ಕೊಡಿಯಾಲ ಕಾಣಿಯೂರು ಸಂಪರ್ಕ ಕಡಿಯುವ ಭೀತಿ ಎದುರಾಗಿದೆ.
ರಸ್ತೆಯ ಮತ್ತೊಂದು ಬದಿಯಲ್ಲಿಯೂ ಹೊಂಡಗಳಿದ್ದು ಘನವಾಹನ ಸಂಚಾರ ಮಾಡಲು ಆಗದ ಪರಿಸ್ಥಿತಿ ನಿರ್ಮಾಣವಾಗಿದೆ.ಶಾಲಾ ವಾಹನಕ್ಕೂ ತೊಡಕಾಗಿರುವುದರಿಂದ ಕಾಣಿಯುರು ಕಡೆಗೆ ಹೋಗುವ ಶಾಲಾ ಮಕ್ಕಳಿಗೂ,ಸಾರ್ವಜನಿಕರಿಗೂ ತೊಂದರೆಯಾಗಿದೆ.
ರಾಜಕೀಯ ಮುಖಂಡರು,ಜನಪ್ರತಿನಿಧಿಗಳು, ಇಲಾಖಾಧಿಕಾರಿಗಳು ಈ ಬಗ್ಗೆ ಗಮನಹರಿಸಿ ತುರ್ತಾಗಿ ಸ್ಪಂದಿಸಬೇಕೆಂದು ಸಾರ್ವಜನಿಕರು ವಿನಂತಿಸಿದ್ದಾರೆ.
