ಮಂಗಳೂರು ವಿಶ್ವ ವಿದ್ಯಾನಿಲಯದ ಪದವಿ ಪರೀಕ್ಷಾ ಫಲಿತಾಂಶ ಪ್ರಕಟಗೊಂಡಿದ್ದು ದ.ಕ. ಸಂಪಾಜೆಯ ಮೂವರು ವಿದ್ಯಾರ್ಥಿಗಳು ಡಿಸ್ಟಿಂಕ್ಷನ್ ಅಂಕಗಳೊಂದಿಗೆ ತೇರ್ಗಡೆಯಾಗಿದ್ದಾರೆ.
ದ.ಕ. ಸಂಪಾಜೆ ಗ್ರಾಮ ಪಂಚಾಯತಿ ಮಾಜಿ ಅಧ್ಯಕ್ಷ ಗೂನಡ್ಕದ ಜಿ.ಕೆ. ಹಮೀದ್ ಹಾಗೂ ಶ್ರೀಮತಿ ಆಯಿಷಾ ದಂಪತಿಯ ಪುತ್ರ ಬಿ.ಕಾಂ. ವಿದ್ಯಾರ್ಥಿ ಅಹ್ಮದ್ ಅಶ್ಫಕ್ 573 ಅಂಕ ಹಾಗೂ ಸಂಪಾಜೆ ಕೂಲಿಶೆಡ್ ಅರಫ ಹೋಟೆಲ್ ಮಾಲಕ ಕಡಪಾಲ ನಿವಾಸಿ ಲತೀಫ್ ಹಾಗೂ ಶ್ರೀಮತಿ ನೆಬಿಸಾ ದಂಪತಿಯ ಪುತ್ರ ಬಿ.ಎಸ್.ಡಬ್ಲ್ಯೂ. ವಿದ್ಯಾರ್ಥಿ ಶಾಫಿರ್ 513 ಅಂಕ ಹಾಗೂ ಪೇರಡ್ಕದ ಇಬ್ರಾಹಿಂ ಹಾಗೂ ಶ್ರೀಮತಿ ಜಮೀಲ ದಂಪತಿಯ ಪುತ್ರ ಬಿ.ಎಸ್.ಡಬ್ಲ್ಯೂ ವಿದ್ಯಾರ್ಥಿ ಇರ್ಫಾನ್ 508 ಅಂಕ ಪಡೆದು ಡಿಸ್ಟಿಂಕ್ಷನ್ ನಲ್ಲಿ ಉತ್ತೀರ್ಣರಾಗಿದ್ದಾರೆ.
ಮೂವರು ಕೂಡಾ ಸುಳ್ಯದ ನೆಹರೂ ಮೆಮೋರಿಯಲ್ ಕಾಲೇಜಿನ ಅಂತಿಮ ಪದವಿ ವಿದ್ಯಾರ್ಥಿಗಳಾಗಿದ್ದಾರೆ.
