ರಾಷ್ಟ್ರೀಯ ಹೆದ್ದಾರಿ ಬದಿ ನೋಡುಗರ ಗಮನ ಸೆಳೆಯುತ್ತಿರುವ ವಿನೂತನ ಶೈಲಿಯ ಗೂಡುದೀಪ
ಪ್ರತೀ ವರ್ಷ ಬೆಳಕಿನ ಹಬ್ಬ ದೀಪಾವಳಿಗೆ ಒಂದಲ್ಲ ಒಂದು ರೀತಿಯ ವಿನೂತನ ಶೈಲಿಯ ಗೂಡುದೀಪ ತಯಾರಿಸುತ್ತಿರುವ ಜಾಲ್ಸೂರು ಗ್ರಾಮದ ಅಡ್ಕಾರಿನ ವೈಪೈ ಗೆಳೆಯರ ಬಳಗದವರು ಈ ಬಾರಿ ಟಾಟಾ ಕಂಪೆನಿಯ ಮಾಲಕ ದಿ. ರತನ್ ಟಾಟಾ ಅವರ ನ್ಯಾನೋ ಕಾರಿನ ವಿನೂತನ ಶೈಲಿಯ ಗೂಡುದೀಪ ತಯಾರಿಸಿದ್ದು, ಇದು ರಾಷ್ಟ್ರೀಯ ಹೆದ್ದಾರಿ ಬದಿ ನೋಡುಗರ ಗಮನ ಸೆಳೆಯುತ್ತಿದೆ.
ಪ್ರತೀ ವರ್ಷ ಆ ವರ್ಷದ ಪ್ರಮುಖ ವಿಶೇಷತೆಗಳ, ವಿಶೇಷ ಗಣ್ಯ ವ್ಯಕ್ತಿಗಳನ್ನು ಬಿಂಬಿಸುವ ಗೂಡುದೀಪ ತಯಾರಿಸುತ್ತಿರುವ ಅಡ್ಕಾರಿನ ವರ್ಣಚಿತ್ರ ಕಲಾವಿದ ಶಶಿ ಅಡ್ಕಾರು ಅವರ ನೇತೃತ್ವದ ವೈಪೈ ಗೆಳೆಯರ ಬಳಗದವರು ಈ ಬಾರಿಯ ಬೆಳಕಿನ ಹಬ್ಬಕ್ಕೆ ಟಾಟಾ ನ್ಯಾನೋ ಕಾರಿನ ಶೈಲಿಯ ವಿನೂತನ ಮಾದರಿಯ ಗೂಡುದೀಪ ತಯಾರಿಸಿ, ತಮ್ಮ ಮನೆಯ ಬಳಿ ರಾಷ್ಟ್ರೀಯ ಹೆದ್ದಾರಿ ಬದಿಯಲ್ಲಿ ತೂಗು ಹಾಕಿದ್ದು, ಇದು ನೋಡುಗರ ಗಮನ ಸೆಳೆಯುತ್ತಿದೆ.
