ಮೆರವಣಿಗೆ ಮೂಲಕ ಬರಮಾಡಿಕೊಂಡು ಸ್ವಾಗತ
ಮಂಗಳೂರು ಧರ್ಮಾಪ್ರಾಂತ್ಯದ ಧರ್ಮಾಧ್ಯಕ್ಷರಾದ ವಂದನಿಯ ಡಾ.ಪೀಟರ್ ಪೌಲ್ ಸಾಲ್ದಾನಾ ಸುಳ್ಯ ಸೈಂಟ್ ಬ್ರಿಜಿದ್ ಚರ್ಚ್ ದೇವಾಲಯಕ್ಕೆ ಅಧಿಕೃತ ಭೇಟಿ ನೀಡುವ ಕಾರ್ಯಕ್ರಮ ನ.9 ಮತ್ತು 10ರಂದು ನಡೆಯಿತು.
ಈ ಸಂದರ್ಭದಲ್ಲಿ ಸುಳ್ಯ ಚರ್ಚ್ ವ್ಯಾಪ್ತಿಗೆ ಒಳಪಟ್ಟ 19 ಮಕ್ಕಳಿಗೆ ದೃಡಿಕರಣ ಸಂಸ್ಕಾರ ಕೊಟ್ಟು, ಹಾರೈಸಿದರು. ಸುಳ್ಯ ಚರ್ಚ್ ಧರ್ಮ ಗುರುಗಳಾದ ರೆ.ಪಾ.ವಿಕ್ಟರ್ ಡಿಸೋಜ ಸುಳ್ಯಕ್ಕೆ ಚರ್ಚ್ ಧರ್ಮಪ್ರಾಂತ್ಯಧ್ಯಕ್ಷರನ್ನು ಸ್ವಾಗತಿಸಿ, ಮೆರವಣಿಗೆ ಮೂಲಕ ಬರಮಾಡಿಕೊಂಡರು.
ಚರ್ಚ್ ಪಾಲನ ಸಮಿತಿ ಉಪಾಧ್ಯಕ್ಷ ನವೀನ್ ಮಚಾದೋ, ಕಾರ್ಯದರ್ಶಿ ಜೂಲಿಯಾನ ಕ್ರಾಸ್ತ, ಚರ್ಚ್ ಪಾಲನಾ ಪರಿಷದ್ ಸದಸ್ಯರು, ಧರ್ಮ ಭಗಿನಿಯರು, ಅಯೋಗಗಳ ಸಂಯೋಜಕರು, ಸಮಸ್ತ ಕ್ರೈಸ್ತ ಬಾಂಧವರು ಭಾಗವಹಿಸಿದರು.
