ಗ್ರಾಮದ ವಿವಿಧ ಬೈಲುಗಳಲ್ಲಿ ದೇಣಿಗೆ ಸಂಗ್ರಹ ಅಭಿಯಾನ
ಊರ ಭಕ್ತಾದಿಗಳು ಹಾಗೂ ವಿವಿಧ ಸಂಘ – ಸಂಸ್ಥೆಗಳಿಂದ ನಿರಂತರ ಶ್ರಮದಾನ
ಪೆರಾಜೆ ಶ್ರೀ ಶಾಸ್ತಾವು ದೇವಸ್ಥಾನದಲ್ಲಿ ನೂತನ ರಾಜಗೋಪುರ ನಿರ್ಮಾಣ ಕಾರ್ಯವು ಜರುಗುತ್ತಿದ್ದು, ಗ್ರಾಮದ ವಿವಿಧ ಬೈಲುಗಳಲ್ಲಿ ದೇಣಿಗೆ ಸಂಗ್ರಹ ಅಭಿಯಾನ ನಡೆಯುತ್ತಿದೆ.
ದೇವಸ್ಥಾನದ ಆಡಳಿತ ಸಮಿತಿಯವರು ಗ್ರಾಮದ ವಿವಿಧ ಬೈಲುಗಳಲ್ಲಿ ಮನೆ – ಮನೆಗಳಿಗೆ ತೆರಳಿ ದೇಣಿಗೆ ಸಂಗ್ರಹ ನಡೆಸುತ್ತಿದ್ದಾರೆ.
ಪೆರಾಜೆ ಗ್ರಾಮದ ಕುಂಬಳಚೇರಿ, ಬಂಟೋಡಿ, ಕುಂದಲ್ಪಾಡಿ, ಅಮೆಚೂರು, ಪುತ್ಯ, ಕೋಡಿ, ಹೊದೆಟ್ಟಿ ಭಾಗದಲ್ಲಿ ಧನಸಂಗ್ರಹ ಅಭಿಯಾನ ನಡೆಸಿದರು.
ದೇವಸ್ಥಾನದ ರಾಜಗೋಪುರ ನಿರ್ಮಾಣ ಕಾರ್ಯದಲ್ಲಿ ಹಲವಾರು ಸಂಘ – ಸಂಸ್ಥೆಗಳು ಸೇರಿದಂತೆ ಊರ ಗ್ರಾಮಸ್ಥರು ಶ್ರಮದಾನದಲ್ಲಿ ಭಾಗಿಯಾಗುತ್ತಿದ್ದು, ರಾಜಗೋಪುರ ನಿರ್ಮಾಣ ಕಾರ್ಯ ನಡೆಯುತ್ತಿದೆ.
