ನಿಡ್ವಾಳ: ಶ್ರೀ ಮಹಾಗಣಪತಿ ದೇವರ ಗುಡಿಯ ದಾರಂದ ಮುಹೂರ್ತ

ಭರದಿಂದ ನಡೆಯುತ್ತಿದೆ ದೇವಳದ ಪುನರ್ ನಿರ್ಮಾಣ ಕಾರ್ಯ

ನಿಡ್ವಾಳ ಶ್ರೀ ಮಹಾವಿಷ್ಣು ದೇವಸ್ಥಾನದ ಪುನರ್ ನಿರ್ಮಾಣ ಕಾರ್ಯ ಭರದಿಂದ ನಡೆಯುತ್ತಿದೆ. ನ.11.ರಂದು ನಡೆದ ಶ್ರೀ ಮಹಾಗಣಪತಿ ದೇವರ ಗುಡಿಯ ದಾರಂದ ಮುಹೂರ್ತ ಕಾರ್ಯಕ್ರಮದಲ್ಲಿ, ಗಣಪತಿ ದೇವರ ಗುಡಿಯ ಸೇವಾರ್ಥಿಗಳಾದ ಅಕ್ಷಯ್ ಕುರುಂಜಿಯವರು ಧಾರ್ಮಿಕ ವಿಧಿವಿಧಾನಗಳಲ್ಲಿ ಪಾಲ್ಗೊಂಡು ಕ್ಷೀರಾಭಿಷೇಕ ಮಾಡುವುದರೊಂದಿಗೆ ಮುಹೂರ್ತ ನಡೆಸಿಕೊಟ್ಟರು.

“ಡಾ. ಚಿದಾನಂದ ಗೌಡ ಕುರುಂಜಿ ಮನೆಯವರಿಂದ ಗಣಪತಿ ಗುಡಿ ನಿರ್ಮಾಣ:
ಡಾ. ಚಿದಾನಂದ ಗೌಡ ಕುರುಂಜಿಯವರ ಧಮ೯ ಪತ್ನಿ ಶ್ರೀಮತಿ ಶೋಭಾ ಚಿದಾನಂದ ಹಾಗೂ ಮಗ ಅಕ್ಷಯ್ ಕುರುಂಜಿ ರವರು ದೇಗುಲಕ್ಕೆ ಆಗಮಿಸಿ ದೇವಳದ ಪುನರ್ ನಿರ್ಮಾಣ ಕೆಲಸವನ್ನು ವೀಕ್ಷಿಸಿ ಗಣಪತಿ ಗುಡಿಯನ್ನು ನಿರ್ಮಿಸಿ ಕೊಡುವುದಾಗಿ ಭರವಸೆಯನ್ನು ನೀಡಿ ಪ್ರಥಮ ಕಂತ್ತಿನ ಮೊಬಲಗು ನೀಡಿದ್ದಾರೆ. ದೇವಳದ ಆಡಳಿತ ಮಂಡಳಿ ಅಧ್ಯಕ್ಷ ಚಂದ್ರಪ್ರಕಾಶ್ ಕಂಬಳ, ಕಾರ್ಯದರ್ಶಿ ಗುರು ಪ್ರಸಾದ್ ತೋಟ, ಪುನರ್ ನಿರ್ಮಾಣ ಸಮಿತಿ ಅಧ್ಯಕ್ಷ ನೇಮಿರಾಜ ಪಲ್ಲೋಡಿ, ಕಾರ್ಯದರ್ಶಿ ಕುಸುಮಾಧರ ಕರಿಮಜಲು, ಸಮಿತಿಯ ಪದಾಧಿಕಾರಿಗಳು, ಸದಸ್ಯರು, ಭಕ್ತಾದಿಗಳು ಉಪಸ್ಥಿತರಿದ್ದರು.