ಇಂದು ಲಕ್ಷದೀಪೋತ್ಸವ, 120 ತಂಡಗಳಿಂದ ಕುಣಿತ ಭಜನೆ
ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ಷಷ್ಠಿ ಮಹೋತ್ಸವ ಹಿನ್ನೆಲೆಯ ಲಕ್ಷ ದೀಪೋತ್ಸವ ಇಂದು (ನ. 30 ರಂದು) ರಾತ್ರಿ ಜರುಗಲಿದೆ.
ನ. 27 ರಂದು ಬೆಳಗ್ಗೆ ಕೊಪ್ಪರಿಗೆ ಏರುವ ಮೂಲಕ ಷಷ್ಠಿ ಮಹೋತ್ಸವ ಆರಂಭವಾಗಿದ್ದು. ನಾಳೆ ಲಕ್ಷದೀಪೋತ್ಸವ ನಡೆಯಲಿದೆ. ಸಂಜೆ ಗಂಟೆ 6.00 ರಿಂದ ಕುಣಿತ ಭಜನೆ ನಡೆಯಲಿದೆ. ಈ ಸಂದರ್ಭ ಈಗಾಗಲೇ ನೊಂದಾಯಿಸಲ್ಪಟ್ಟ 120 ತಂಡಗಳಿಂದ ಕುಣಿತ ಭಜನೆ ನಡೆಯಲಿದೆ., ರಾಜಗೋಪುರದಿಂದ ಆರಂಭಗೊಂಡು ಕಾಶಿಕಟ್ಟೆ ವರೆಗೆ ಕುಣಿತ ಭಜನಾ ತಂಡಗಳಿಂದ ಕುಣಿತ ಭಜನೆ ನಡೆಯಲಿದೆ. ಇದಲ್ಲದೆ ರಥಬೀದಿಯ ಪೋಲಿಸ್ ವೃತ್ತದ ಬಳಿ ಕೆ.ಯೋಗೀಶ್ ಕಿಣಿ ಕಾರ್ಕಳ ಅವರು ಕುಣಿತ ಭಜನೆ ನಡೆಸಿಕೊಡಲಿದ್ದಾರೆ.
