ಗೊನೆ ಕಡಿಯುವ ಮೂಲಕ ಕಾರ್ಯಕ್ರಮಗಳಿಗೆ ಚಾಲನೆ
ಜ.21: ಶ್ರೀ ಭೈರಜ್ಜಿ ನೇಮ, ಜ.24 :ಶ್ರೀ ರಾಜ್ಯನ್ ದೈವದ ನೇಮ
ಗುತ್ತಿಗಾರು ಗ್ರಾಮದ ಕಮಿಲ ಇತಿಹಾಸ ಪ್ರಸಿದ್ಧ ಮೊಗ್ರ ಶ್ರೀ ಕನ್ನಡ ದೇವತೆಯಾನೆ ಪುರುಷ ದೈವಸ್ಥಾನದಲ್ಲಿ ಕಾಲಾವಧಿ ಜಾತ್ರೋತ್ಸವಕ್ಕೆ ಜ.15 ರಂದು ಗೊನೆ ಕಡಿಯುವ ಮೂಲಕ ಚಾಲನೆ ದೊರೆತಿದೆ.
ಈ ಸಂದರ್ಭದಲ್ಲಿ ಆಡಳಿತ ಮೊಕ್ತೇಸರ ಎಂ. ಎನ್ ವೆಂಕಟ್ರಮಣ ಮೊಗ್ರ,ಆಡಳಿತ ಮೊಕ್ತೇಸರ ಕಾರ್ಯಪ್ಪ ಗೌಡ ಚಿಕ್ಮುಳಿ, ಕಾರ್ಯನಿರ್ವಹಣಾ ಮೊಕ್ತೇಸರ
ಚೆನ್ನಕೇಶವ ಗೌಡ ಕಮಿಲ, ಉಮೇಶ್ ಗೌಡ ಮಕ್ಕಿ, ಪೂಜಾರಿಗಳಾದ ದೊಡ್ಡಣ್ಣ ಗೌಡ ಚಿಕ್ಮುಳಿ, ಸೀತಾರಾಮ ಗೌಡ ಚಿಕ್ಮುಳಿ, ರಾಮಕೃಷ್ಣ ಗೌಡ ಚಿಕ್ಮುಳಿ, ವೇಣುಗೋಪಾಲ ಮೊಗ್ರ ಸ್ಥಳೀಯರಾದ ಜಗದೀಶ್ ಚಿಕ್ಮುಳಿ, ಚೋಮ ಮೊಗ್ರ ಮೊದಲಾದವರು ಉಪಸ್ಥಿತರಿದ್ದರು.
ಕಾರ್ಯಕ್ರಮಗಳ ವಿವರ :
ಜ. 19 ರಂದು ಮಧ್ಯಾಹ್ನ ಮೊಗ್ರ ದೊಡ್ಡಮನೆಯಲ್ಲಿ ಶ್ರೀ ದೇವರಿಗೆ ಸಮಾರಾಧನೆ ನಡೆಯಲಿದೆ. ಅದೇ ದಿನ ರಾತ್ರಿ ಮಲ್ಕಜೆ ಮಾಳಿಗೆಯಿಂದ ಭಂಡಾರ ಹೊರಡಲಿದೆ.
ಜ. 20ರಂದು ಬೆಳಿಗ್ಗೆ ಶ್ರೀ ಉಳ್ಳಾಕುಲು ನೇಮ, ನಂತರ ಶ್ರೀ ಕುಮಾರ ನೇಮ ನಡೆಯಲಿದೆ. ಸಂಜೆ ಉಳ್ಳಾಕುಲು ಭಂಡಾರ ಹೊರಟು, ಶ್ರೀ ಪುರುಷ ದೈವದ ನೇಮ, ರಾತ್ರಿ ಶ್ರೀ ರುದ್ರಚಾಮುಂಡಿ ನೇಮ, ಶ್ರೀ ಮಲೆಚಾಮುಂಡಿ ನೇಮ ನಡೆಯಲಿದೆ.
ಜ. 21 ರಂದು ಬೆಳಿಗ್ಗೆ ಇತಿಹಾಸ ಪ್ರಸಿದ್ಧ ಶ್ರೀ ಭೈರಜ್ಜಿ ನೇಮ ನಡೆದು, ಬಳಿಕ ಭಂಡಾರ ಹೊರಡಲಿದೆ. ಜ.23 ರಂದು ಬೆಳಿಗ್ಗೆ ನಡಾವಳಿ ಸ್ಥಾನದಿಂದ ಮೂವ ಮಾಳಿಗೆಗೆ ಭಂಡಾರ ಹೊರಟು ರಾತ್ರಿ ಮೂವ ಮಾಳಿಗೆಯಿಂದ ರಾಜಾಂಗಣಕ್ಕೆ ಭಂಡಾರ ಹೊರಡಲಿದೆ. ಜ.24 ರಂದು ಬೆಳಿಗ್ಗೆ ಬ್ರಹ್ಮರ ನೇಮ, ರಾಜ್ಯನ್ ದೈವ ಮತ್ತು ಉಪದೈವಗಳ ನೇಮ ನಡೆಯಲಿದೆ.
