ಮೊಗರ್ಪಣೆ ಜುಮಾ ಮಸ್ಜಿದ್ ನಲ್ಲಿ ಸ್ಥಳೀಯ ಮುದರ್ರಿಸ್ ಹಾಫಿಲ್ ಸೌಕತ್ ಅಲಿ ಸಖಾಫಿಯವರ ನೇತೃತ್ವದಲ್ಲಿ ನಡೆಸಿಕ್ಕೊಂಡು ಬರುತ್ತಿರುವ ಬದರ್ ಮೌಲಿದ್ ಕಾರ್ಯಕ್ರಮದ 3ನೇ ವರ್ಷಾಚಾರಣೆ ಆ 30 ರಂದು ಸಯ್ಯದ್ ಮಾಂಬ್ಳಿ ದರ್ಗಾದಲ್ಲಿ ನಡೆಯಿತು.
ಮುಂಜಾನೆ 5 ಘಂಟೆಗೆ ಮೌಲುದ್ ಪಾರಾಯಣ ನಡೆದು ಲೋಕ ಶಾಂತಿಗಾಗಿ ಮತ್ತು ಮಾನವ ಕುಲಕ್ಕೆ ಇತ್ತೀಚಿಗೆ ಕಾಡುತ್ತಿರುವ ರೋಗ ರುಜಿನಗಳಿಂದ ರಕ್ಷಣೆ ಕೋರಿ ಸಾಮೂಹಿಕ ಪ್ರಾರ್ಥನೆ ನಡೆಯಿತು.
ಬಳಿಕ ದರ್ಗಾ ಝಿಯಾರತ್ ನಡೆದು ಸೀರಣಿ ವಿತರಣೆ ಕಾರ್ಯಕ್ರಮ ನಡೆಯಿತು.
ಈ ಸಂಧರ್ಭದಲ್ಲಿ ಜಮಾಅತ್ ಕಮಿಟಿ ಉಪಾಧ್ಯಕ್ಷ ಸಿ ಎಂ ಉಸ್ಮಾನ್, ಕೋಶಾಧಿಕಾರಿ ಮಹಮ್ಮದ್ ಆದರ್ಶ ಮದರಸ ಮುಅಲ್ಲಿಮ್ ಶಫಿಕ್ ಹಿಮಮಿ, ಮೂಸಾ ಮುಸ್ಲಿಯಾರ್ ಹಾಗೂ ಸ್ಥಳೀಯ ಜಮಾತ್ ಸದಸ್ಯರು ಭಾಗವಹಿಸಿದ್ದರು.
