ಚಿಲ್ಲರೆ ಹಣ ಎಗರಿಸಿ ಪರಾರಿ – ದೃಶ್ಯ ಸಿಸಿ ಟಿವಿಯಲ್ಲಿ ಪತ್ತೆ
ಪೈಚಾರು ಸಮೀಪ ಉಮ್ಮರ್ ಎಂಬುವವರ ಗೂಡಂಗಡಿಗೆ ರಾತ್ರಿ ಸಮಯ ಕಳ್ಳನೊಬ್ಬ ಬಂದು ಅಂಗಡಿಯ ಮೇಲ್ಬಾಗಕ್ಕೆ ಹತ್ತಿ ಅಂಗಡಿಯೊಳಗೆ ಇಳಿದು ಕಳ್ಳತನ ಮಾಡಿ ಪರಾರಿಯಾದ ದೃಶ್ಯ ಸಿ ಸಿ ಟಿ ವಿ ಯಿಂದ ಪತ್ತೆಯಾಗಿದೆ.
ಈ ಕಳ್ಳತನ ನ. ೨೫ ರಂದು ರಾತ್ರಿ ಸುಮಾರು ೧೨ ಗಂಟೆ ಸಮಯದಲ್ಲಿ ನಡೆದಿದ್ದು ಅಂಗಡಿ ಮಾಲಕ ಮಾರನೇ ದಿನ ಬೆಳಿಗ್ಗೆ ಅಂಗಡಿ ತೆರೆದಾಗ ಕಳ್ಳತನ ನಡೆದಿರುವ ಬಗ್ಗೆ ತಿಳಿದು ಬಂದಿದೆ.
ಕಳ್ಳತನವಾದದ್ದು ಸ್ವಲ್ಪ ಚಿಲ್ಲರೆ ಹಣ ಮಾತ್ರ ಎಂಬ ಕಾರಣಕ್ಕಾಗಿ ಈ ವಿಷಯವನ್ನು ಅಂಗಡಿಯವರು ಗಂಭೀರವಾಗಿ ಪರಿಗಣಿಸಲಿಲ್ಲ. ಇಂದು ಸ್ಥಳೀಯರು ಅವರ ಸಿ ಸಿ ಟಿ ವಿ ಯಲ್ಲಿ ಪರಿಶೀಲನೆ ನಡೆಸಿದಾಗ ಕಳ್ಳನ ಎಲ್ಲಾ ರೀತಿಯ ಚಲನ ವಲನ ಕಂಡು ಬಂದಿದೆ.
ಅದೇ ದಿನ ಕನಕಮಜಲು ಭಾಗದಲ್ಲಿಯೂ ಇದೇ ರೀತಿಯ ಅಂಗಡಿ ಕಳ್ಳತನವಾದ ಬಗ್ಗೆ ತಿಳಿದು ಬಂದಿದ್ದು, ಅಲ್ಲದೆ ಇದೇ ರೀತಿಯ ಘಟನೆ ಸುಳ್ಯದಲ್ಲಿ ಕಳೆದ ಕೆಲವು ತಿಂಗಳುಗಳಿಂದ ನಡೆಯುತ್ತಿದ್ದು, ಈ ಎಲ್ಲಾ ಕಳ್ಳತನದ ಹಿಂದೆ ಈತನದೇ ಕೈವಾಡವಿರಬಹುದೆಂದು ಸಾರ್ವಜನಿಕರು ಮಾತಾಡಿಕೊಳ್ಳುತ್ತಿದ್ದಾರೆ.
