ದಕ್ಷಿಣ ಕನ್ನಡ ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘ ಮತ್ತು ಯುವಜನ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ ಇವುಗಳ ಜಂಟಿ ಆಶ್ರಯದಲ್ಲಿ ಮಾ. 13 ಮತ್ತು 14 ರಂದು ನಡೆದ ವಿವಿಧ ಕ್ರೀಡಾ ಮತ್ತು ಸಾಂಸ್ಕೃತಿಕ ಸ್ಪರ್ಧೆಗಳಲ್ಲಿ ಸುಳ್ಯ ತಾಲೂಕಿನ ಸರ್ಕಾರಿ ನೌಕರರ ಸಂಘದ ಸದಸ್ಯರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ವಿವಿಧ ಸ್ಪರ್ಧೆಗಳಲ್ಲಿ ಒಟ್ಟಾರೆ 29 ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡಿದ್ದಾರೆ.
ಮಾ. 13 ರಂದು ನಡೆದ ಕ್ರೀಡಾ ಕೂಟದಲ್ಲಿ ಚಿನ್ನದ ಪದಕ ಪಡೆದ ಸುಳ್ಯ ತಾಲೂಕಿನ ನೌಕರರು
ಕಂದಾಯ ಇಲಾಖೆಯ ವಿಪಿನ್‌ ಎಂ. ರವರು 4 * 400 ಮೀ ರಿಲೇಯಲ್ಲಿ, ಗ್ರಾಮೀಣ ನೀರು ಸರಭರಾಜು ಮತ್ತು ನೈರ್ಮಲ್ಯ ಇಲಾಖೆಯ ಎಂಜೀನಿಯರ್ ಮಣಿಕಂಠರವರು ಈಟಿ ಎಸೆತದಲ್ಲಿ, ಸಾರ್ವಜನಿಕ ಶಿಕ್ಷಣ ಇಲಾಖೆಯ ನಳಿಣಾಕ್ಷಿ ಬಿ. ಯೋಗಾಸನ ಸ್ಪರ್ಧೆಗಳಲ್ಲಿ 4 ವಿಭಾಗಗಳಲ್ಲಿ, ಶೀಲಾವತಿ ಕೆ. ಎನ್. ಮತ್ತು ಇಂದಿರಾವತಿಯವರು ಟೆನ್ನಿಕಾಯ್ಟ್‌ ಡಬ್ಬಲ್ಸ್ ನಲ್ಲಿ, ಸುಜಯಾ ಬಿ. ಡಿ. ಗುಂಡು ಎಸೆತದಲ್ಲಿ, ಶ್ರೀಮತಿ ರೇಷ್ಮಾ ಪಿ. ಯವರು 4 *100 ಮೀ ರಿಲೇ, ಶ್ರೀ ಸನತ್‌ ಪಿ ಎನ್ ಮತ್ತು ಶ್ರೀಮತಿ ತಶ್ವಿನಿರವರು ಕಬ್ಬಡ್ಡಿಯಲ್ಲಿ ಪ್ರಥಮ ಸ್ಥಾನಗಳನ್ನು ಪಡೆದುಕೊಂಡಿದ್ದಾರೆ.
ಬೆಳ್ಳಿಯ ಪದಕ ವಿಜೇತರು
ಪಶು ಸಂಗೋಪನೆ ಇಲಾಖೆ ರೋಹಿತ್‌ ಕೆ ಎ.ಯವರು 1500 ಮೀ, 4 *100 ಓಟಗಳು ಮತ್ತು 4 * 400 ಮೀ ರಿಲೇಯಲ್ಲಿ, ಕಂದಾಯ ಇಲಾಖೆಯ ವಿಪಿನ್‌ ಎಂ. ರವರು 800 ಮೀ ಓಟ ಮತ್ತು 4 *100 ಮೀ ರಿಲೇಯಲ್ಲಿ, ಸಾರ್ವಜನಿಕ ಶಿಕ್ಷಣ ಇಲಾಖೆ ಸನತ್‌ ಪಿ. ಎನ್.ರವರು 110 ಮೀ ಅಡೆ ತಡೆ ಓಟದಲ್ಲಿ ದ್ವಿತಿಯ ಸ್ಥಾನಗಳನ್ನು ಪಡಕೊಂಡರು.
ಕಂಚಿನ ಪದಕಗಳನ್ನು ಕೊರಳಿಗೇರಿಸಿಕೊಂಡವರು
ಪಶು ಸಂಗೋಪನೆ ಇಲಾಖೆಯ ರೋಹಿತ್‌ ಕೆ ಎಯವರು 200 ಮೀ ಓಟದಲ್ಲಿ, ಕಂದಾಯ ಇಲಾಖೆಯ ವಿಪಿನ್‌ ಎಂ 400 ಮೀ ಓಟ ಸಾರ್ವಜನಿಕ ಶಿಕ್ಷಣ ಇಲಾಖೆಯ ದೇವರಾಜ್‌ ಎಸ್‌ ಕೆ400 ಮೀ ಓಟ, ನಳಿಣಾಕ್ಷಿ ಬಿ ಯೋಗಾಸನ ಮತ್ತು ರೇಷ್ಮಾ ಪಿ.ಯವರು 100 ಮೀ ಓಟಸ್ಪರ್ಧೆಗಳಲ್ಲಿ ಕಂಚಿನ ಪದಕಗಳನ್ನು ಕೊರಳಿಗೇರಿಸಿಕೊಂಡರು.
ಕರ್ನಾಟಕ ಶಾಸ್ತ್ರೀಯ ಸಂಗೀತದಲ್ಲು ಸುಳ್ಯ ತಾಲೂಕಿನದ್ದೇ ಮೇಲುಗೈ
ಕರ್ನಾಟಕ ಶೈಲಿಯ ಶಾಸ್ತ್ರೀಯ ಸಂಗೀತದ ವಿವಿಧ ಸ್ಪರ್ಧೆಗಳಲ್ಲಿ ಸಾರ್ವಜನಿಕ ಶಿಕ್ಷಣ ಇಲಾಖೆ ಪೂರ್ಣಿಮಾ ಎಂ. ರವರು ಒಂದು ಚಿನ್ನ ಹಾಗೂ ಒಂದು ಬೆಳ್ಳಿಯ ಪದಕ ಹಾಗೂ ಶ್ರೀಮತಿ ಜಯಾಶೀಲ ಕೆ ಒಂದು ಬೆಳ್ಳಿಯ ಪದಕ ಕೊರಳಿಗೇರಿಸಿಕೊಂಡರು.
