ಚಿಗುರು ಕ್ರೀಡಾ ಮತ್ತು ಕಲಾ ಯುವಕಮಂಡಲ ರಿ ಪೆರಾಜೆ ಇದರ ವತಿಯಿಂದ ದೀಪಾವಳಿ ಹಬ್ಬದ ಪ್ರಯುಕ್ತ ಆಯೋಜಿಸಿದ್ದ ಬಲೀಂದ್ರ ಮರ ಅಲಂಕಾರ ಸ್ಪರ್ಧೆಯಲ್ಲಿ ವಿಜೇತರಿಗೆ ಬಹುಮಾನ ವಿತರಣೆ ಕಾರ್ಯಕ್ರಮವು ಶ್ರೀ ವಯನಾಟ್ ಕುಲವನ್ ಸಭಾ ಭವನದಲ್ಲಿ ನಡೆಯಿತು.
ಸ್ಪರ್ಧೆಯಲ್ಲಿ ಪ್ರಥಮ ಬಹುಮಾನವನ್ನು ಮೂಲೆಮಜಲು ಚಿನ್ನಮ್ಮ ಇವರು ಪಡೆದುಕೊಂಡರೆ, ದ್ವಿತೀಯ ಬಹುಮಾನವನ್ನು ಕುಂಬಳಚೇರಿ ಐನ್ ಮನೆ ಹಾಗೂ ತೃತೀಯ ಬಹುಮಾನವನ್ನು ಪೆರಂಗಜೆ ಪುರುಷೋತ್ತಮ ಅವರು ಪಡೆದುಕೊಂಡರು.
ಬಹುಮಾನ ವಿತರಣ ಸಮಾರಂಭದ ವೇದಿಕೆಯಲ್ಲಿ ಚಿಗುರು ಯುವಕಮಂಡಲದ ಅಧ್ಯಕ್ಷ ರಮೇಶ್ ಮಜಿಕೋಡಿ, ತೀರ್ಪುಗಾರರಾದ ದೇವಿಪ್ರಸಾದ್ ಕಾಯರ್ತೋಡಿ, ಶ್ರೀ ವಯನಾಟ್ ಕುಲವನ್ ದೈವಸ್ಥಾನದ ಆಡಳಿತ ಕಾರ್ಯದರ್ಶಿ ವಿಶ್ವನಾಥ ಮಜಿಕೋಡಿ, ಚಿಗುರು ಯುವಕಮಂಡಲದ ಕಾರ್ಯದರ್ಶಿ ಯತಿಶ್ಯಾಮ್ ಕುಂಬಳಚೇರಿ, ಖಜಾಂಜಿ ಹರ್ಷಿತ್ ಮಜಿಕೋಡಿ, ಸಾಂಸ್ಕೃತಿಕ ನಿರ್ದೇಶಕ ಹೇಮಕುಮಾರ ಕುಂಬಳಚೇರಿ ಉಪಸ್ಥಿತರಿದ್ದರು.
ಕಾರ್ಯಕ್ರಮವನ್ನು ಶೀತಲ್ ಕುಮಾರ್ ಪ್ರಾರ್ಥಿಸಿ, ಯತಿಶ್ಯಾಮ್ ಕುಂಬಳಚೇರಿ ಸ್ವಾಗತಿಸಿ, ಕಿರಣ್ ವಂದಿಸಿದರು.
