ಇತ್ತೀಚೆಗೆ ಅಗಲಿದ ಸಾಮಾಜಿಕ ಕಾರ್ಯಕರ್ತರುಗಳಾದ ನೆಲ್ಲೂರು ಕೆಮ್ರಾಜೆ ಸಹಕಾರಿ ಸಂಘದ ನಿರ್ದೇಶಕ ದಿ.ಮಾಧವ ಗೌಡ ಸುಳ್ಳಿ ಮತ್ತು ನೆಲ್ಲೂರು ಕೆಮ್ರಾಜೆ ಗ್ರಾ.ಪಂ.ಸದಸ್ಯ ದಿ. ರಾಮಚಂದ್ರ ಪ್ರಭು ಕುಂಟಿಹಿತ್ಲು ಸ್ಮರಣಾರ್ಥ ಅವರ ಅಭಿಮಾನಿಗಳು ದಾನಿಗಳ ಸಹಕಾರದೊಂದಿಗೆ ನಾರ್ಣಕಜೆಯಲ್ಲಿ ನಿರ್ಮಿಸಿರುವ ಸಾರ್ವಜನಿಕ ಬಸ್ಸು ತಂಗುದಾಣ ಉದ್ಘಾಟನೆಯು ಇಂದು ನೆರವೇರಿತು.
ಊರ ಹಿರಿಯರಾದ ವೇಣುಗೋಪಾಲ ನಾರ್ಣಕಜೆ ಉದ್ಘಾಟನೆ ನೆರವೇರಿಸಿದರು. ನೂತನ ಗ್ರಾಮ ಪಂಚಾಯತ್ ಸದಸ್ಯ ಯಜ್ಞೇಶ್ವರ ನಾರ್ಣಕಜೆ ಅಧ್ಯಕ್ಷತೆ ವಹಿಸಿದ್ದರು.
ನೆಲ್ಲೂರು ಕೆಮ್ರಾಜೆ ಪ್ರಾ.ಕೃ.ಪ.ಸ.ಸಂಘದ ಅಧ್ಯಕ್ಷ ವಿಷ್ಣು ಭಟ್ ಮೂಲೆತೋಟ, ನೆಲ್ಲೂರು ಕೆಮ್ರಾಜೆ ಗ್ರಾಮ ಪಂಚಾಯತ್ ಸದಸ್ಯ ವೇಣುಗೋಪಾಲ ಪುನ್ಕುಟ್ಟಿ , ಸುದ್ದಿ ಚಾನೆಲ್ ಮುಖ್ಯಸ್ಥ ದುರ್ಗಾಕುಮಾರ್ ನಾಯರ್‌ಕೆರೆ , ರಾಧಾಕೃಷ್ಣ ನಾಯಕ್ ಸುಳ್ಳಿ ಅತಿಥಿಗಳಾಗಿ ಉಪಸ್ಥಿತರಿದ್ದರು.
ಸಮಾಜಮುಖಿಯಾಗಿ ಕೆಲಸ ಮಾಡಿದ ವ್ಯಕ್ತಿತ್ವಗಳನ್ನು ಸಮಾಜ ನೆನಪಿಡುವಂತಹ ಕಾರ್ಯ ಮಾಡಿರುವುದು ಮಾದರಿ ಎಂದು ಅತಿಥಿಗಳು ಶ್ಲಾಘಿಸಿದರು.
ಎಲಿಮಲೆ ಅಕ್ಷಯ ಸ್ಟೀಲ್ & ಹಾರ್ಡ್ ವೇರ್ ಮಾಲಕ ಹೇಮನಾಥ ಕೋಡ್ತುಗುಳಿ ಸ್ವಾಗತಿಸಿ ಪ್ರಸ್ತಾವನೆಗೈದರು. ಯೋಗರಾಜ್ ಬಾಜಿನಡ್ಕ ವಂದಿಸಿದರು. ನೆಲ್ಲೂರು ಕೆಮ್ರಾಜೆ ಸೊಸೈಟಿ ಕಾರ್ಯ ನಿರ್ವಹಣಾಧಿಕಾರಿ ಸಂತೋಷ್ ನಾರ್ಣಕಜೆ ಕಾರ್ಯಕ್ರಮ ನಿರೂಪಿಸಿದರು.
ಉಮೇಶ್ ಪ್ರಭು, ಜಯಪ್ರಕಾಶ್ ಸುಳ್ಳಿ , ದೇವಿಪ್ರಸಾದ್ ಸುಳ್ಳಿ, ಸತೀಶ್ ಸುಳ್ಳಿ, ಚಂದ್ರ ನಾರ್ಣಕಜೆ, ತೇಜಕುಮಾರ್ ನಾರ್ಣಕಜೆ, ಕೃಷ್ಣ ಕುಮಾರ್ ನಾರ್ಣಕಜೆ ಮೊದಲಾದವರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.
