ಡಿ.15 ರಂದು ಆಗಮನ, ಡಿ.16 ರಂದು ಸಮರ್ಪಣೆ
ಬಾಗಲಕೋಟೆಯ ಉದ್ಯಮಿ ನಾಗರಾಜ ಕುಲಕರ್ಣಿ, ಧಾರ್ಗವಿ ಕುಲಕರ್ಣಿ, ಭೀಮಾಜಿ, ವೈ.ಎಸ್. ಗಲಗಲಿ ಜಮಖಂಡಿ ಮತ್ತು ಕುಟುಂಬಸ್ಥರು ಸೇರಿ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನಕ್ಕೆ ನೂತನ ಬೆಳ್ಳಿಯ ಪಲ್ಲಕಿಯ ಕೊಡುಗೆ ನೀಡಲಿದ್ದು ಡಿ.15 ರಂದು ಸುಬ್ರಹ್ಮಣ್ಯ ಅದನ್ನು ತರುವ ಕಾರ್ಯಕ್ರಮ ನಡೆಯಲಿದೆ. ಅದು ಡಿ.16 ರಂದು ಸಮರ್ಪಣೆ ಆಗಲಿರುವುದಾಗಿ ತಿಳಿದು ಬಂದಿದೆ.
ಸುಮಾರು ರೂ.17.65 ಲಕ್ಷ ವೆಚ್ಚದಲ್ಲಿ ಇದು ರಚನೆಯಾಗುತ್ತಿದೆ. ಶ್ರೀ ದೇವಳದ ಬೆಳ್ಳಿಯ ವಸ್ತುಗಳ ಕೆಲಸ ನಿರ್ವಹಿಸುವ ಕಾರ್ಕಳದ ಬಜಗೋಳಿಯ ಸುಧಾಕರ ಡೋಂಗ್ರೆ ಮತ್ತು ಶಿಷ್ಯರು ನೂತನ ಪಲ್ಲಕ್ಕಿಯನ್ನು ನಿರ್ಮಿಸುತ್ತಿದ್ದಾರೆ. ಈಗಿರುವ ಪಲ್ಲಕಿಯಂತೆ ನೂತನ ಪಲ್ಲಕಿಯು ನಿರ್ಮಾಣ ಗೊಳ್ಳಲಿದ್ದು. ಸಂಪ್ರದಾಯ ಪ್ರಕಾರ ಈಗಿನ ಪಲ್ಲಕ್ಕಿಯ ರೀತಿಯಲ್ಲಿ ಹೊಸ ಪಲ್ಲಕಿ ರಚಿತವಾಗಿ ಶ್ರೀ ದೇವರಿಗೆ ಅರ್ಪಣೆಯಾಗಲಿದೆ.
ಆಕರ್ಷಕ ಕೆತ್ತನೆ ಈಗಿರುವ ಪಲ್ಲಕಿಯಲ್ಲಿರುವಂತೆ ಆಕರ್ಷಕ ಬೆಳ್ಳಿಯ ಕೆತ್ತನೆಗಳನ್ನು ನೂತನ ಪಲ್ಲಕಿಯಲ್ಲಿ ಮಾಡಲಾಗಿದೆ ಎಂದು ತಿಳಿದು ಬಂದಿದೆ.
ಆರಂಭದಲ್ಲಿ ಮರದ ಪಲ್ಲಕಿಯನ್ನು ನಿರ್ಮಿಸಿ ಅದಕ್ಕೆ ಬೆಳ್ಳಿಯ ಕೆತ್ತನೆಗಳನ್ನು ಅಳವಡಿಸಲಾಗುವುದು ಬೆಳ್ಳಿಯ ನೆಗಳೆ ಬಾಯಿ ಮುಂಭಾಗದಲ್ಲಿ, ಒಳ ಭಾಗದಲ್ಲಿ ದೊಡ್ಡ ಮಧ್ಯಮ ಗಾತ್ರದ ಮತ್ತು ಚಿಕ್ಕ ಬೆಳ್ಳಿಯ ಗೊಂಡೆಯನ್ನೊಳಗೊಂಡ ಜಾಲರಿ, ಬೆಳ್ಳಿಯ ಗೊಂಡ ಮಾಲೆ. ಗಣಪತಿ, ನಾಗ, ನವಿಲು, ಕುಕ್ಕುಟವನ್ನು ಈ ಹಿಂದಿನ ಪಲ್ಲಕಿಯಲ್ಲಿ ಇರುವಂತೆ ಕೆತ್ತನೆ ಮಾಡಲಾಗಿದೆ. ಈ ಹಿಂದಿನ ಪಲ್ಲಕ್ಕಿಯ ತದ್ರೂಪದಂತೆ ನೂತನ ಪಲ್ಲಕ್ಕಿಯು ಸುಮಾರು 1 ತಿಂಗಳ ಕಾಲಾವಧಿಯಲ್ಲಿ ರಚನೆಯಾಗಿದೆ.
ಸೇವಾರ್ಥಿ ನಾಗರಾಜ ಕುಲಕರ್ಣಿ ಅವರಿಗೆ ಶ್ರೀ ದೇವಳದ ಪ್ರಧಾನ ಅರ್ಚಕ ವೇದಮೂರ್ತಿ ಸೀತಾರಾಮ ಎಡಪಡಿತ್ತಾಯರು ಶ್ರೀ ದೇವರ ಪ್ರಸಾದವನ್ನು ಗರ್ಭಗುಡಿಯ ಮುಂಭಾಗದಲ್ಲಿ ಪ್ರಾರ್ಥನೆ ಮಾಡಿ ಪ್ರಸಾದ ನೀಡುವ ಮೂಲಕ ಡಿ.3 ರಂದು ನೂತನ ಪಲ್ಲಕಿ ರಚನಾ ಸೇವೆಗೆ ವೀಳ್ಯ ನೀಡಿದರು.
ಈ ಸಂದರ್ಭ ಸೇವಾರ್ಥಿ ನಾಗರಾಜ ಕುಲಕರ್ಣಿ,ಭಾರ್ಗವಿ ಕುಲಕರ್ಣಿ, ಭೀಮಾಜಿ, ವೈ.ಎಸ್. ಗಲಗಲಿ ಜಮಖಂಡಿ, ಶ್ರೀ ದೇವಳದ ಕಾರ್ಯ ನಿರ್ವಹಣಾಧಿಕಾರಿ ಅರವಿಂದ ಅಯ್ಯಪ್ಪ ಸುತಗುಂಡಿ, ನಹಾಯಕ ಕಾರ್ಯ ನಿರ್ವಹಣಾಧಿ ಕಾರಿ ಯೇಸುರಾಜ್, ಕಚೇರಿ ಅಧೀಕ್ಷಕ ಪದ್ಧನಾಭ ಶೆಟ್ಟಿಗಾರ್, ಸೇವಾರ್ಥಿಗಳ ಕುಟುಂಬ ಸ್ನೇಹಿತ ಶ್ರೀಕುಮಾರ್ ಬೆಳವಾರ ಸುಬ್ರಹ್ಮಣ್ಯ, ಶಿಷ್ಟಾಚಾರ ಅಧಿಕಾರಿ ಜಯರಾಮ ರಾವ್ ಉಪಸ್ಥಿತರಿದ್ದರು.
